Batumelebi | ანტირეკორდი ბათუმში – 165 შემთხვევა ბოლო 24 საათში ანტირეკორდი ბათუმში – 165 შემთხვევა ბოლო 24 საათში – Batumelebi
RU | GE  

ანტირეკორდი ბათუმში – 165 შემთხვევა ბოლო 24 საათში

აჭარაში დღეს, 23 სექტემბერს, კორონავირუსით ინფიცირების ახალი შემთხვევების რეკორდული რაოდენობა გამოვლინდა – 165 ახალი შემთხვევა 24 საათში. აჭარაში ეს რიცხვი კორონავირუსის პანდემიის დაწყებიდან დღემდე არ დაფიქსირებულა.

ბოლო ერთი თვეა აჭარაში კორონავირუსით ინფიცირებულთა რიცხვი იზრდება. აქამდე ინფიცირების ყველაზე მეტი ახალი შემთხვევა გამოვლინდა 16 სექტემბერს – 144 ახალი შემთხვევა და 18 სექტემბერს – 129 ახალი შემთხვევა.

ბოლო დღეებია აჭარის საზოგადოებრივი ჯანდაცვის ცენტრი უკვე აღარ ასახელებს კორონავირუსის გავრცელების კლასტერებს, რადგან კორონავირუსი დაფიქსირდა ათობით დაწესებულებაში და გავრცელება აჩვენებს, რომ ვირუსის ახალი შემთხვევები ვლინდება ყველგან.

კორონავირუსი დაფიქსირდა აჭარის ექვსივე მუნიციპალიტეტში: ბათუმში, ქობულეთში, ხელვაჩაურში, ქედაში, ხულოსა და შუახევში, თუმცა ეპიდაფეთქების ეპიცენტრი ქალაქი ბათუმია.

ამავე თემაზე: 

კორონავირუსის აფეთქების 20 დღე აჭარაში – როგორ იცვლება სტატისტიკა

 

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com