ბობოყვათის სამჯერვალო ფაბრიკა „აჭარა ტექსტილემ“ მუშაობა შეაჩერა. კომპანიის ფინანსური დირექტორი, გია ლომინაძე „ბათუმელებთან“ ამბობს, რომ ეს არ უკავშირდება გავრცელებულ ინფორმაციას მკერავებში კორონავირუსის დადასტურების შესახებ.
„ეს არ არის სიმართლე… ორი თანამშრომელი ნამდვილად გადაიყვანეს შემოწმებაზე, მაგრამ მათ უარყოფითი პასუხი მიუვიდათ. ფაბრიკა შეჩერდა იმიტომ, რომ საგანგებო მდგომარეობის გამო იქ მკერავები თითქმის არ დადიოდნენ. მუშაობას აგრძელებს თამარის დასახლებაში მდებარე ფაბრიკა, ჩვენ ისევ ვამზადებთ პირბადეებს,“ – გვითხრა გია ლომინაძემ.
„აჭარა ტექსტილეს“ ინფორმაციით, ამ ფაბრიკამ უკვე მილიონზე მეტი პირბადე დამზადდა უფასოდ. კომპანიას ნედლეული ეკონომიკის სამინისტრომ მიაწოდა სხვადასხვა ბიზნესორგანიზაციის დახმარებით.
