მთავარი,სიახლეები

საიზოლაციო ან საკარანტინო რეჟიმის დამრღვევი პირი 3 ათასი ლარით დაჯარიმდება – გახარია

21.03.2020 • 943
საიზოლაციო ან საკარანტინო რეჟიმის დამრღვევი პირი 3 ათასი ლარით დაჯარიმდება – გახარია

პრემიერ-მინისტრ გიორგი გახარიას თქმით, საგანგებო მდგომარეობის პირობებში საიზოლაციო, ან საკარანტინო რეჟიმის პირობების დარღვევისთვის სანქციები ამოქმედდება. ასეთ შემთხვევაში ფიზიკური პირი 3 ათასი ლარით დაჯარიმდება. განმეორების შემთხვევაში კი, პირს სისხლის სამართლის წესით 3 წლამდე თავისუფლების აღკვეთა ელის.

შს სამინისტროს ცნობით, საქართველოში თვითიზოლაციის წესების დარღვევის კიდევ 39 ახალი ფაქტი გამოვლინდა. თვითიზოლაციის წესების დარღვევის გამო კი, საკარანტინო ზონებში, იძულების წესით, ჯამში, 180 ადამიანია გადაყვანილი.

სანქციები ანალოგიურ დარღვევებზე, საგანგებო მდგომარეობის გამოცხადების შესახებ პრეზიდენტის შესაბამისი ბრძანებისა და დეკრეტის ძალაში შესვლისთანავე ამოქმედდება.

პრემიერმა ქვეყანაში საგანგებო მდგომარეობის გამოცხადების მოთხოვნით დღეს, 21 მარტს პრეზიდენტს მიმართა. საგანგებო მდგომარეობა ქვეყნის პრეზიდენტმა უნდა გამოაცხადოს და მას პარლამენტი ამტკიცებს. გიორგი გახარიამ საგანგებო მდგომარეობის გამოცხადება 21 აპრილამდე მოითხოვა.

პრემიერ-მინისტრის თქმით, ძალაში რჩება ის შეზღუდვები, რაც მთავრობას აქამდე ჰქონდა დაწესებული კორონავირუსის პანდემიის დროს:

დამატებით რა შეზღუდვები დაწესდა საგანგებო მდგომარეობით

21 მარტის მდგომარეობით, საქართველოში კორონავირუსი 47 ადამიანს დაუდასტურდა, რომელთაგანაც ერთი გამოჯანმრთელდა. კარანტინში 1966 პირი იმყოფება, სტაციონარში მეთვალყურეობის ქვეშ – 259.

გადაბეჭდვის წესი


ასევე: