მთავარი,სიახლეები

ქონების ჩამორთმევა რუსეთის არმიაზე „ფეიკების“ გავრცელებისთვის – დუმამ პირველი მოსმენით მხარი დაუჭირა კანონს

24.01.2024 • 2067
ქონების ჩამორთმევა რუსეთის არმიაზე „ფეიკების“ გავრცელებისთვის – დუმამ პირველი მოსმენით მხარი დაუჭირა კანონს

რუსეთის სახელმწიფო დუმამ პირველი მოსმენით მიიღო კანონპროექტი რუსული არმიის შესახებ „ფეიკის“ [ყალბი ინფორმაციის] გავრცელებისთვის ქონების კონფისკაციის შესახებ.

დოკუმენტში ასევე განიხილავს სისხლის სამართლის კოდექსში ქონების ჩამორთმევის შესაძლებლობას სახელმწიფო უსაფრთხოების წინააღმდეგ მიმართული საჯარო მოწოდებისთვის.

რუსული სააგენტო „ტასის“ თანახმად, კანონპროექტი ცვლის რუსეთის ფედერაციის სისხლის სამართლის კოდექსის 104.1 მუხლს, რომელიც ეხება ქონების ჩამორთმევას და აფართოებს იმ დანაშაულთა ჩამონათვალს,  რომელზეც ეს ვრცელდება.

კანონი, რომელიც რუსული არმიის შესახებ ყალბი ინფორმაციის გავრცელებისთვის სისხლის სამართლის პასუხისმგებლობას ითვალისწინებს, რუსეთში 2022 წლის გაზაფხულზე მიიღეს, ქვეყნის უკრაინაზე თავდასხმის შემდეგ.

ამ კანონით გასაამართლეს და 8-წლიანი პატიმრობა მიუსაჯეს რუსეთში პოლიტიკოს ილია იაშინს – გამოძიება მის შემთხვევაში ინტერნეტ-სივრცეში მოწყობილ ჩართვის, ე.წ. „სტრიმის“ გამო დაიწყო, სადაც პოლიტიკოსი უკრაინაში, ბუჩაში რუსული არმიის მიერ ჩადენილი ომის დანაშაულების შესახებ საუბრობდა.

გადაბეჭდვის წესი


ასევე: