ბათუმში, კარანტიდან ინფექციურ საავადმყოფოში გადაყვანილ 4 პირს კორონავირუსი არ დაუდასტურდა. ინფორმაციას აჭარის ჯანდაცვის სამინისტრო ავრცელებს.
ინფექციურ საავადმყოფოში კარანტინიდან 4 ადამიანი გუშინ ღამით გადაიყვანეს.
ბათუმში კორონავირუსი მხოლოდ ერთ პირს აქვს დადგენილი. ბათუმის ინფექციური კლინიკის მენეჯერის თქმით, მისი ჯანმრთელობის მდგომარეობა სტაბილურია.
რაც შეეხება კორონავირუსის შემთხვევებს 19 მარტის მდგომარეობით: საქართველოში ამ დროისათვის ლაბორატორიულად დადასტურებულია 40 შემთხვევაა, აქედან 1 გამოჯანმრთელებულია. კარანტინის რეჟიმში იმყოფება 1 344 ადამიანი, ხოლო სტაციონარში მეთვალყურეობის ქვეშ – 216.