Batumelebi | მედიაწიგნიერების სკოლა 14-დან 26-წლამდე ახალგაზრდებისთვის ბათუმში მედიაწიგნიერების სკოლა 14-დან 26-წლამდე ახალგაზრდებისთვის ბათუმში – Batumelebi
RU | GE  

მედიაწიგნიერების სკოლა 14-დან 26-წლამდე ახალგაზრდებისთვის ბათუმში

„ბათუმის ახალგაზრდული ცენტრი“ მედიაწიგნიერების 4-თვიან პროექტში მონაწილეობისთვის იწვევს აჭარაში მცხოვრებ 14-დან 26-წლამდე ახალგაზრდებს.

შერჩეულ მონაწილეებს გამოცდილებას გაუზიარებენ “თავისუფალ ჟურნალისტთა სახლისა” და პარტნიორი მედიაორგანიზაციების წარმომადგენლები.

პროექტის ფარგლებში გამართული 3-დღიანი ტრენინგის განმავლობაში მონაწილეები გაეცნობიან თანამედროვე საკომუნიკაციო სისტემის გამოწვევებს. ეს არის ინტერაქტიული შეხვედრების ციკლი, რომლის დროსაც მიიღებთ შემდეგ ინფორმაციას: როგორ იმუშაოთ სოციალურ ქსელებში;  როგორ გაარჩიოთ ერთმანეთისგან ყალბი ინფორმაცია და პროპაგანდა; როგორ ამოიცნოთ, გადაამოწმოთ და აიცილოთ ინტერნეტსივრციდან მიღებული ყალბი ინფორმაცია.

პროექტის შერჩეული მონაწილეები გამოიმუშავებენ საინფორმაციო ტექსტის წერის უნარ-ჩვევას და შეისწავლიან კამერასთან მუშაობის, ფოტო/ვიდეომასალის გადაღების საბაზისო უნარებს.

აპლიკაცია მიიღება 2020 წლის 3 თებერვლის ჩათვლით. აპლიკაციის შევსება შესაძლებელია ორგანიზაციის ბმულზე [ გასახსნელად დაკლიკეთ წითლად მონიშნული სიტყვა].

შეკითხვებისა და დამატებითი ინფორმაციისთვის დარეკეთ ნომერზე: 591 95 03 95.

აქტივობა ხორციელდება “ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის” [PITA] ფარგლებში, რომელსაც ახორციელებს საქართველოს გაეროს ასოციაცია (UNAG), ამერიკის შეერთებული შტატების საერთაშორისო განვითარების სააგენტოს (USAID) ფინანსური მხარდაჭერით, პროგრამის პარტნიორი ორგანიზაციაა „თავისუფალ ჟურნალისტთა სახლი“.

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.