სიახლეები

ახალი წლის ღამეს მცემეს, მამამთილი აივნიდან მაგდებდა – დაზარალებული

04.01.2020 • 3257
ახალი წლის ღამეს მცემეს, მამამთილი აივნიდან მაგდებდა – დაზარალებული

„ახალი წლის წინა ღამეს ჯერ ქმარმა წამიჭირა კისერში ხელი, მახრჩობდა, მერე მამამთილმა დამარტყა თავში და აივნიდან მაგდებდა, სადაც გინდა, იქ წადიო,“ – გვიყვება აჭარის ერთ-ერთ სოფელში მცხოვრები ქალი ნინო [სახელი შეცვლილია – ავტ.]. ოჯახში ძალადობის შემთხვევაზე გამოძიება დაიწყო, ნინოს ექსპერტიზა უკვე ჩაუტარდა და ახლა იგი დედასთან ერთად ცხოვრობს.

ნინო რამდენიმე ხნის წინ ქმართან კონფლიქტი მოუხდა და მას შემდეგ არაერთხელ გახდა ფსიქოლოგიური და ფიზიკური ძალადობის მსხვერპლი, როგორც ქმრის, ასევე მამამთილის მხრიდან.

ნინოს დედა გვიყვება, რომ ძალადობის წინა შემთხვევებზე მანაც იცოდა, მაგრამ დუმილს არჩევდა: „გვინდოდა, ლამაზად ყოფილიყვნენ, ვიფიქრე, დამშვიდდებიან-მეთქი, მაგრამ უარესი ქნეს“.

„ექსპერტიზამ ყველაფერი დააფიქსირა… აივნიდან გადმოგდებას რომ უპირებდა მამამთილი, მე არ დამირეკა… ჩვენ მერე დაგვირეკეს, ასე და ასე არისო“, – გვითხრა დაზარალებული ქალის დედამ.

შინაგან საქმეთა სამინისტროს ინფორმაციით, გამოძიება ოჯახში ძალადობის მუხლით დაიწყო და ორი პირი დააკავეს.

გადაბეჭდვის წესი


ასევე: