Batumelebi | ხურმისა და კარალიოკის ექსპორტი 86%-ით გაიზარდა – სოფლის მეურნეობის სამინისტროს სტატისტიკა ხურმისა და კარალიოკის ექსპორტი 86%-ით გაიზარდა – სოფლის მეურნეობის სამინისტროს სტატისტიკა – Batumelebi

ხურმისა და კარალიოკის ექსპორტი 86%-ით გაიზარდა – სოფლის მეურნეობის სამინისტროს სტატისტიკა

გარემოს დაცვისა და სოფლის მეურნეობის სამინისტროს ცნობით, საქართველოდან ექსპორტირებულმა ხურმამ და კარალიოკმა 7.3 ათასი ტონა შეადგინა და დაფიქსირდა 86%-იანი ზრდა.

ასევე, სამინსიტროს ცნობით, 2019 წლის აგვისტო-ნოემბრის პერიოდში, საქართველოდან მსოფლიოს 37 ქვეყანაში ექსპორტირებულია 8.3 ათასი ტონა თხილი, რაც 90%-ით აღემატება წინა წლის ანალოგიური პერიოდის მაჩვენებელს. გასულ წლებში თხილის მოსავალი საქართველოში დაზიანებული იყო, რამაც დიდი ზარალი მიაყენა თხილის ბიზნესს ქვეყანაში.

რაც შეეხება ციტრუსს, სამინისტროს ცნობით, 19 დეკემბრის მონაცემებით, მანდარინის ექსპორტმა 21,333 ტონა შეადგინა და საექსპორტო ქვეყნებს ოთხი ახალი ბაზარი დაემატა. წელს პირველად ექსპორტი განხორცილდა: ლიეტუვაში (120,9ტ); სინგაპურში (0,1ტ); კატარსა (0,4ტ) და სლოვენიაში (158,2ტ).

 

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.