ნაპირდამცავი ნაგებობა ბათუმის ახალ ბულვართან / 14.12.2019
ნაპირდამცავი ნაგებობა ბათუმის ახალ ბულვართან / 14.12.2019
ბათუმის ახალ ბულვარში სასეირნო ბილიკის, ნაპირდამცავი ნაგებობების და ხელოვნური პლაჟის მოსაწყობად ბიუჯეტიდან 55 მილიონამდე ლარი იხარჯება. ნაპირის დაცვის მიზნით აქ დაახლოებით 2 კილომეტრის სიგრძეზე ჩაწყობილია ქვის ლოდები, რომელთა უმეტესობა, როგორც მუნიციპალური განვითარების ფონდში გვითხრეს, 3-დან 7-ტონამდე იწონის.
ეს ხელოვნური ნაგებობა უსაფრთხო არ არის, რასაც ფონდშიც ადასტურებენ. ქვებს შორის არის სიცარიელე, რის გამოც, გამაფრთხილებელი ნიშნებია განთავსებული წარწერით: „ნუ აძვრებით ქვებზე თქვენივე უსაფრთხოებისთვის!“.
„პლაჟზე ჩასასვლელები გაკეთებულია, გაკეთებულია გამაფრთხილებელი ნიშნები, იმიტომ, რომ საკმაოდ საშიშია ეს ყველაფერი. მაგალითად, იქ ვინმე არ ავიდეს – ბავშვი, ნასვამი ადამიანი, რა ვიცი – დიდი პატარა და არ დაშავდეს. ასევე საკითხი დგას, რომ იქ შეიძლება ნაგავი ჩაიყაროს… თუმცა, მსოფლიო პრაქტიკა არის ის, რომ ეს ამ სახით კეთდება. ჩვენ გვქონდა საუბარი, ბათუმის ბულვარმა დასვა საკითხი – იქნებ დაიფაროს, ვთქვათ, რაიმე ბადით. ეს უკვე შემდეგი ეტაპია, თუ როგორ გაკეთდება ეს ყველაფერი,“ – გვითხრა რეზო გიგილაშვილმა, აზიის განვითარების ბანკის მიერ დაფინანსებული პროექტების მენეჯერმა საქართველოს მუნიციპალური განვითარების ფონდში.
ბათუმის ნაპირდაცვის პროექტი 2 თვეში უნდა დასრულდეს, რის შემდეგაც ნაპირდამცავი ნაგებობაც და ხელოვნურად შექმნილი პლაჟიც, მოვლა-პატრონობისთვის ბათუმის მერიას გადაეცემა.
ნაპირდამცავი ნაგებობა ბათუმის ახალ ბულვართან / 14.12.2019
ნაპირდამცავი ნაგებობა ბათუმის ახალ ბულვართან / 14.12.2019
ძველი ბულვარიდან ახალ ბულვარში ხრეშის მილებით გადაქაჩვის გეგმა ჩაიშალა. „ბათუმელების“ ინფორმაციით, არ იმუშავა სპეციალურმა მოწყობილობამ, რომელიც სპეციალურად შემოიტანეს და დაამონტაჟეს პლაჟზე. ხრეში ახალ ბულვართან მანქანებით ძველი ბულვარიდან გადააქვთ. ეს პლაჟის მოსაწყობადაა აუცილებელი და ის ბათუმის ნაპირდაცვის პროექტის ნაწილია.
ნაპირაცვის მიზნით სარფშიც ლოდები იმავე მეთოდითაა ჩაწყობილი, როგორც ახალ ბულვართან, თუმცა იქ ბანაობა აკრძალულია.
გაგრძელდება თუ არა ბათუმის სანაპიროზე გზა და ბულვარი გონიოს მიმართულებით? აშენდება თუ არა ახალი ხიდი მდინარე ჭოროხზე ზღვის შესართავთან? როგორ განვითარდება გონიოს ყოფილი სამხედრო პოლიგონის ტერიტორია? – ამ კითხვებს პასუხი მხოლოდ მას შემდეგ გაეცემა, რაც ყოფილი პოლიგონის განვითარების ტექნიკურ-ეკონომიკური დასაბუთება მომზადდება.
ნაპირდამცავი ნაგებობა ბათუმის ახალ ბულვართან / 14.12.2019
ნაპირდამცავი ნაგებობა ბათუმის ახალ ბულვართან / 14.12.2019
ბულვარიდან პლაჟზე ჩასასვლელი / ნაპირდამცავი ნაგებობა ბათუმის ახალ ბულვართან / 14.12.2019
ამავე თემაზე:
https://www.facebook.com/batumelebi/videos/2498160750436044/
