მთავარი,სიახლეები

აჭარის ტელევიზიის მრჩეველთა საბჭოს კონკურსის მეორე ეტაპზე 13 კანდიდატი გადავიდა

16.10.2019 • 1927
აჭარის ტელევიზიის მრჩეველთა საბჭოს კონკურსის მეორე ეტაპზე 13 კანდიდატი გადავიდა

აჭარის უმაღლესი საბჭოს ცნობით,  საზოგადოებრივი მაუწყებლის აჭარის ტელევიზიისა და რადიოს მრჩეველთა საბჭოს მრჩევლობის კანდიდატების შესარჩევმა კომისიამ მუშაობა დაასრულა.

კონკურსის მეორე ეტაპზე გადავიდა 13 კანდიდატი. ესენი არიან:

რაულ ბერიძე, დიანა ვაშაყმაძე, ნათია სირაბიძე, სოსო სტურუა, არჩილ ხახუტაიშვილი, სტელა ახვლედიანი, რუსლან ბარამიძე, ფირუზ ბოლქვაძე, ემზარ დიასამიძე, თამილა დოლიძე, გია ქარცივაძე, გელა ღოღობერიძე და თამარ წილოსანი.

13 კანდიდატიდან 4 გახდება საზოგადოებრივი მაუწყებლის აჭარის ტელევიზიისა და რადიოს მრჩეველთა საბჭოს წევრი.

კონკურსის მეორე ეტაპზე ოთხი კანდიდატი უმაღლესმა საბჭომ უნდა შეარჩიოს აჭარის ტელევიზიისა და რადიოს განვითარების კონცეფციების განხილვისა და გასაუბრების შედეგად.

აჭარის ტელევიზიისა და რადიოს მრჩეველთა საბჭოს თავმჯდომარის ანაზღაურება 2 900 ლარია, მოადგილის – 2 700 ლარი, წევრის კი – 2 625 ლარი. აჭარის უმაღლესი საბჭო ტელევიზიისა და რადიოს მრჩეველთა საბჭოს წევრს 6 წლის ვადით ირჩევს.

საბჭოს ამჟამინდელ წევრებს: ნატა იმედაიშვილს, ირაკლი დარცმელიძეს, გიორგი ირემაძეს და ბეჟან გობაძეს უფლებამოსილების ვადა ოქტომბერში ეწურებათ და საბჭოში რჩება ერთი წევრი – გიგა ჩხარტიშვილი, რომელიც 2018 წლის პირველ ნოემბერს აირჩია უმაღლესმა საბჭომ აჭარის ტელევიზიისა და რადიოს მრჩეველთა საბჭოს წევრად.

________________
ფოტოზე: კომისიის წევრები: ლევან გობაძე, ასლან ლორთქიფანიძე, მანანა შარაშიძე, ერმილე მესხია. ფოტო: აჭარის უმაღლესი საბჭო

გადაბეჭდვის წესი


ასევე: