საქართველოს ეროვნული ბანკის მიერ დადგენილი ოფიციალური გაცვლითი კურსით, 30 აგვისტოს 1 აშშ დოლარი 2,9379 ლარი, ხოლო 1 ევრო 3,2531 ლარი ეღირება.
დღეს, 29 აგვისტოს, ასევე ოფიციალური კურსით, 1 აშშ დოლარი 2,9415 ლარი, ხოლო 1 ევრო 3,2671 ლარი ღირს.
„ბოლო პერიოდში განვითარებული მოვლენების გამო, შეიქმნა მოლოდინები, რომ სავალუტო შემოსავლების გაცილებით უფრო ცუდი მაჩვენებლები იქნებოდა, რაც აისახა კიდეც ლარის კურსზე. ჩვენ ვფიქრობთ, რომ ამ სიტუაციაშიც კი, მიმდინარე ანგარიში, რომელიც ლარის კურსის მნიშვნელოვანი განმსაზღვრელია, იმაზე გაცილებით უფრო უკეთესი იქნება, ვიდრე ჩვენ ამას ვპროგნოზირებდით.
მომდევნო კვირას, 4 სექტემბერს, დაგეგმილია მონეტარული პოლიტიკის კომიტეტის სხდომა. განვიხილავთ ყველა ფაქტორს ერთობლიობაში და შესაბამის გადაწყვეტილებას მივიღებთ,“ – განაცხადა ეროვნული ბანკის პრეზიდენტმა კობა გვენეტაძემ, გუშინ, 28 აგვისტოს.
