მამუკა ბახტაძე პედაგოგების ხელფასების მატებაზე


ქვეყნის პრემიერ-მინისტრი მამუკა ბახტაძე დღეს პედაგოგებს ხვდება. ბახტაძის თქმით, შეხვედრას ესწრებიან რეგიონებიდან ჩასული პედაგოგებიც.

მამუკა ბახტაძის განცხადებით, ხელფასების ზრდა ყოველწლიური იქნება. პრემიერი აცხადებს, რომ 2022 წლისთვის უფროსი მასწავლებლის ხელფასი მიაღწევს 1700 ლარს, წამყვანი მასწავლებლის ხელფასი იქნება 2150 ლარი, მენტორი პედაგოგების ხელფასი კი – 2450 ლარი.

მამუკა ბახტაძეს არაფერი უთქვამს იმის შესახებ, გაიზრდება თუ არა წლევანდელ სასწავლო წელს პედაგოგების ხელფასი.

მამუკა ბახტაძის ინფორმაციით, ხელფასები გაეზრდებათ რესურსცენტრების თანამშრომლებს, სკოლების ადმინისტრაციის წარმომადგენლებს, მათ შორის ტექპერსონალს, სკოლის ექიმებს, ინკლუზიური განათლების სპეციალისტებს. ხელფასების ზრდა შეეხება მანდატურის სამსახურის მიერ გადამზადებულ სკოლის უსაფრთხოებაზე პასუხისმგებელ პირებსაც.

პედაგოგების ხელფასების მატებაზე კონკრეტული ციფრები განათლების მინისტრმა დაასახელა:

რამდენით იზრდება პედაგოგების ხელფასები ამ სასწავლო წელს – მინისტრის განცხადება

 

ნეტგაზეთის მასალების სხვა გამოცემებში გადაბეჭდვის წესი
ავტორი
ეთერ თურაძე არის გაზეთ "ბათუმელების" მთავარი რედაქტორი 2001 წლიდან