ხვალ, 7 ივლისს, დაბა ჩაქვის ნაწილს და სოფელ ჩაისუბანს ელექტროენერგიის მიწოდება შეეზღუდება დილის 11-დან საღამოს 5 საათამდე.
„ენერგო-პრო ჯორჯიას“ ინფორმაციით, შუქი ორშაბათსაც გაითიშება ქობულეთის სოფლებში: ჩაისუბანში, ხალაში, სახალვაშოში, ზენითსა და მიმდებარე სოფლებში დილის 11-დან საღამოს 6 საათამდე.
ორშაბათს, 8 ივლისს, დილის 10-დან საღამოს 6-მდე შუქის მიწოდება შეიზღუდება დაბა ხელვაჩაურსა და ქედის სოფლებში: სიხალიძეებში, ხარაულასა და დანდალოში.
ენერგოკომპანიის ინფორმაციით, ენერგომომარაგება სამუშაოს დასრულებისთანავე აღდგება.
