მთავარი,სიახლეები

აჭარის განათლების მინისტრის მოვალეობას ალექსანდრე დავითაძე შეასრულებს

31.05.2019 • 2176
აჭარის განათლების მინისტრის მოვალეობას ალექსანდრე დავითაძე შეასრულებს

დღეს, 31 მაისს, აჭარის მთავრობის სხდომას აჭარის განათლების მინისტრის მოადგილე, ალექსანდრე დავითაძეც ესწრებოდა. მთავრობის თავმჯდომარის განცხადებით, სწორედ ის შეასრულებს აჭარის განათლების მინისტრის მოვალეობას და ასევე, იქნება აჭარაში დაანონსებული ახალგაზრდული პროექტების კურატორი.

ყოფილი განათლების მინისტრი, ინგა შამილიშვილი, რიჟვაძემ 26 მაისს გაათავისუფლა თანამდებობიდან რუსული დროშების სკანდალის გამო. განათლების მინისტრის მოვალეობის შემსრულებელი, ბაგრატ მანველიძე კი გუშინ, 30 მაისს, დააკავეს საბიუჯეტო თანხების მითვისებისა და სამსახურებრივი უფლებამოსილების გადამეტების ბრალდებით.

სანამ აჭარის განათლების მინისტრის მოადგილედ დანიშნავდნენ, ალექსანდრე დავითაძე აჭარის მთავრობის აპარატში საერთაშორისო ურთიერთობათა და პროტოკოლის დეპარტამენტს ხელმძღვანელობდა.

_________

ფოტოზე: ალექსანდრე დავითაძე. ფოტო: აჭარის განათლების სამინისტრო

გადაბეჭდვის წესი


ასევე: