2 სექტემბრის ღამეს რუსეთის ჯარებმა კიევზე განახორციელეს საჰაერო დარტყმა. დაშავდნენ ადამიანები, რამდენიმე უბანში ხანძარია.
ოფიციალური კიევის ცნობით, რუსეთმა კიევზე დარტყმისთვის გამოიყენა ფრთოსანი და ბალისტიკური რაკეტები. უკრაინის საჰაერო თავდაცვამ გაანადგურა ათზე მეტი ფრთოსანი რაკეტა, დაახლოებით ათეული ბალისტიკური რაკეტა და სამხედრო დრონი.
პირველადი ინფორმაციით, დაშავდა სამი ადამიანი.
კიევის ერთ-ერთ რაიონში რაკეტის ნამსხვრევების ჩამოვარდნის შედეგად 4 მანქანა დაიწვა, ასევე, ხანძარი გაჩნდა მეტროსადგურ სვიატოშინის მიმდებარედ, ორსართულიან კორპუსში.
ინფორმაცია ზარალისა და დაშავებულების შესახებ ამ დრომდე ზუსტდება.
