Batumelebi | „ბოსების ბოსი“ დაკავებულია – იტალიის პოლიცია იუწყება, რომ „კოზა ნოსტრას“ შეფი დააკავა „ბოსების ბოსი“ დაკავებულია – იტალიის პოლიცია იუწყება, რომ „კოზა ნოსტრას“ შეფი დააკავა – Batumelebi

„ბოსების ბოსი“ დაკავებულია – იტალიის პოლიცია იუწყება, რომ „კოზა ნოსტრას“ შეფი დააკავა

სეტიმო მინეო ოფიციალურად იუველირების მაღაზიის მენეჯერია კუნძულ სიცილიაზე მდებარე ქალაქ პალერმოში. სინამდვილეში, 80 წლის მინეო, შესაძლოა, იტალიური მაფიის, „კოზა ნოსტრას“ შეფი იყოს. მრავალთვიანი საგამოძიებო მოქმედებების შედეგად იტალიის პოლიცია აცხადებს, რომ „ბოსების ბოსი“ დაკავებულია.

პოლიციამ სიცილიაში 40 პირი დააკავა მაფიის წევრობის ბრალდებით – მათ შორის არის „კოზა ნოსტრას“ ახალი შეფი. დაკავებულებს არაერთი ისეთი მძიმე დანაშაული ედებათ ბრალად, როგორიცაა იარაღის უკანონო შენახვა, გამოძალვა, ხანძრების გაჩენა თუ ძალადობრივი თავდასხმები.

პოლიციის ვერსიით, მინეო მაფიის აქტიური წევრია მინიმუმ გასული საუკუნის 80-იან წლებიდან. იტალიური მედია წერს, რომ მინეო არ იყენებდა ტელეფონს და ფეხით ბევრს მოძრაობდა.

იტალიის შინაგან საქმეთა მინისტრი მატეო სალვინი თავის ტვიტერზე წერს, რომ ეს არის გრანდიოზული ოპერაცია მაფიის წინააღმდეგ.

იტალიურ მაფიას დიდი შემოსავლები აქვს ნარკოტიკის გაყიდვიდან, ონლაინ კაზინოებიდან და სამშენებლო ბიზნესიდან.

_____________________________

მთავარი ფოტო: palermo.gds.it

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.