დღეს, 7 ნოემბერს, „თავისუფალ ჟურნალისტთა სახლსა” და ქალაქ ბათუმის №1 საჯარო სკოლას შორის ურთიერთგაგების მემორანდუმი გაფორმდა. შეთანხმებას ხელი №1 საჯარო სკოლის დირექტორმა, ნატალია მგელაძემ და „თავისუფალ ჟურნალისტთა სახლის” გამგეობის თავმჯდომარემ, ასლან ჭანიძემ მოაწერეს.
შეთანხმების მიხედვით, „თავისუფალ ჟურნალისტთა სახლი“ სკოლასთან ერთად სემინარებს, კონფერენციებსა და გამოფენებს მოაწყობს, სკოლის მოსწავლეებსა და პედაგოგებს გამოცხადებული პროექტებისა და კონკურსების შესახებ მიაწვდის ინფორმაციას და, ასევე, სურვილისამებრ ჩართავს სკოლის მოსწავლეებსა და პედაგოგებს სხვადასხვა ტიპის სამოქალაქო აქტივობაში.
სკოლის მოსწავლეები და მასწავლებლები გაეცნობიან „თავისუფალ ჟურნალისტთა სახლის“ მიერ მომზადებულ სტატიებს, სიუჟეტებსა და გადაცემებს.
ბათუმის №1 საჯარო სკოლას „თავისუფალ ჟურნალისტთა” სახლმა საჩუქრად 100-მდე დასახელების წიგნი, მათ შორის სამეცნიერო, საგანმანათლებლო. მხატვრული და საინფორმაციო ლიტერატურა გადასცა.
ბათუმის №1 საჯარო სკოლას „თავისუფალ ჟურნალისტთა სახლი“ საგანმანათლებლო პროექტების დაგეგმვასა და მომზადებაშიც დაეხმარება.
მემორანდუმი სამწლიანია და ორგანიზაციის ინიციატივით განხორციელებულ ყველა პროექტსა და აქტივობას „თავისუფალ ჟურნალისტთა სახლი“ დააფინანსებს.
შეთანხმების მიზანი ახალგაზრდების ცნობიერების გაზრდაა შესაბამისი საინფორმაციო კამპანიების განხორცილების გზით.
ბათუმის #1 საჯარო სკოლის დირექტორი ნატალია მგელაძე და „თავისუფალ ჟურნალისტთა სახლის” გამგეობის თავმჯდომარე, ასლან ჭანიძე
შეხვედრის დასასრულს ბათუმის №1 საჯარო სკოლას „თავისუფალ ჟურნალისტთა” სახლმა საჩუქრად 100-მდე დასახელების წიგნი, მათ შორის სამეცნიერო, საგანმანათლებლო, მხატვრული და საინფორმაციო ლიტერატურა გადასცა.
