ნეტგაზეთი • RU

ოპოზიცია ამბობს, რომ მოიპოვეს სია, სადაც ამომრჩევლისთვის გადახდილი თანხაა მითითებული

„ერთიანი ნაციონალური მოძრაობის“ განცხადებით, ხელვაჩაურში, ქვედა სამებაში #18 და #19 საარჩევნო უბნებზე მათმა დამკვირვებელმა კოორდინატორების მიერ მომზადებული სიები მოიპოვა, სადაც კონკრეტული სახელებისა და გვარების გასწვრივ, სადაც მითითებულია ამომრჩეველთა პირადი ნომრებიც, მიწერილია გაცემული თანხის ოდენობა.

„ერთიანი ნაციონალური მოძრაობის“ წარმომადგენლის, მიშა ბოლქვაძის განცხადებით, „ქართული ოცნების“ კოორდინატორები დილიდან მუშაობდნენ ამ უბანზე მანქანებში, ეს სიები მანქანაზე უყურადღებოდ დატოვეს, ამომრჩევლებმა კი აიღეს და მას მიაწოდეს.

„საჩივარი დაწერა ჩვენმა წარმომადგენელმა, მაგრამ უბნის უფროსი არ იღებს, საარჩევნო უბანზე, შიგნით, დარღვევა არ მომხდარა და არ ჩავიბარებო. შემდეგ  ტელევიზიები გამოჩნდნენ და არა მგონია იმ უბანზე შეძლონ იგივეს გაგრძელება“ – აღნიშნა „ბათუმელებთან“ მიშა ბოლქვაძემ.

„ბათუმელებმა“ ფოტოზე დაფარა პირადი ნომრები. ფოტო: ენმ

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com