Batumelebi | ფინანსთა სამინისტრომ კრედიტის უკანონოდ მიღების ფაქტზე 21 პირი პასუხისგებაში მისცა ფინანსთა სამინისტრომ კრედიტის უკანონოდ მიღების ფაქტზე 21 პირი პასუხისგებაში მისცა – Batumelebi
RU | GE  

ფინანსთა სამინისტრომ კრედიტის უკანონოდ მიღების ფაქტზე 21 პირი პასუხისგებაში მისცა

საქართველოს ფინანსთა სამინისტროს საგამოძიებო სამსახურმა კრედიტის უკანონოდ აღების ფაქტების გამოვლენისა და დამნაშავე პირების მხილების მიზნით გატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, 2018 წლის აგვისტოსა და სექტემბრის პერიოდში, აღნიშნული სახის დანაშაულში მხილებული 21 პირი პასუხისგებაში მისცა.

გამოძიებით დადგინდა, რომ ბრალდებულები, კრედიტის უკანონოდ მიღების მიზნით, კომერციულ ბანკებში განაცხადის შევსებისას სამუშაო ადგილისა და ანაზღაურების შესახებ ყალბ მონაცემებს უთითებდნენ, ხოლო რიგ შემთხვევებში ყალბ სახელფასო ცნობებს წარადგენდნენ.
გამოძიება მიმდინარეობს საქართველოს სისხლის სამართლის კოდექსის 208-ე მუხლის პირველი ნაწილით, რაც სასჯელის სახით ითვალისწინებს თავისუფლების აღკვეთას 2-დან 5 წლამდე ვადით.

ნეტგაზეთის მასალების სხვა გამოცემებში გადაბეჭდვის წესი
ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან