მთავარი,სიახლეები

ჯარისკაცი, რომელმაც მეორე ჯარისკაცი დაჭრა, გირაოს სანაცვლოდ გაათავისუფლეს

01.02.2019 • 1777
ჯარისკაცი, რომელმაც მეორე ჯარისკაცი დაჭრა, გირაოს სანაცვლოდ გაათავისუფლეს

ჯარისკაცი, რომელმაც ცეცხლსასროლი იარაღით მეორე ჯარისკაცი დაჭრა, სასამართლომ 4- ათასლარიანი გირაოს სანაცვლოდ გაათავისუფლა.

შემთხვევა ბათუმში 22 იანვარს მოხდა. დაჭრილი ჯარისკაცი საავადმყოფოში გადაიყვანეს, სადაც ის დღემდე რჩება.

შემთხვევას თავდაცვის სამინისტროს სამხედრო პოლიცია იძიებდა. როგორც თავდაცვის სამინისტროს პრესსამსახურში „ბათუმელებს“ განუმარტეს, გამოძიება სსკ-ის კოდექსის 117-ე მუხლის პირველი ნაწილით მიმდინარეობდა, რაც გულისხმობს ჯანმრთელობის განზრახ მძიმე დაზიანებას და ითვალისწინებს თავისუფლების აღკვეთას.

„ბრალდებული პასუხისგებაში იყო მიცემული სამხედრო პოლიციის მიერ. სასამართლომ ბრალდებულს წინასწარი პატიმრობა შეუფარდა აღმკვეთი ღონისძიების სახით, თუმცა ამჟამად ოთხი ათასლარიანი გირაოს სანაცვლოდ არის გათავისუფლებული“.

პრესსამსახურის ინფორმაციით, დაჭრილი ჯარისკაცის მდგომარეობა სტაბილურია.

გადაბეჭდვის წესი


ასევე: