ქობულეთში, გელაურის დასახლებაში, დღეს, 11 სექტემბერს, გამთენიისას, ხის საამქრო დაიწვა.
სახანძრო სამსახურის ინფორმაციით, ხის ძველი შენობის, რომელშიც ხის საამქრო იყო განთავსებული, გადარჩენა ვერ მოხერხდა და ის მთლიანად დაიწვა. ადგილზე რამდენიმე სახანძრო მანქანა იყო მობილიზებული.
ზარალის ოდენობას და ხანძრის გამომწვევ მიზეზებს ადგენენ.
ფოტო: კადრი სოციალურ ქსელში გავრცელებული ვიდეოდან
