Batumelebi | დეპარტამენტს, რომელსაც ავთანდილ ბერიძე ხელმძღვანელობს, აჭარის მთავრობა აუქმებს დეპარტამენტს, რომელსაც ავთანდილ ბერიძე ხელმძღვანელობს, აჭარის მთავრობა აუქმებს – Batumelebi
RU | GE  

დეპარტამენტს, რომელსაც ავთანდილ ბერიძე ხელმძღვანელობს, აჭარის მთავრობა აუქმებს

აჭარის მთავრობა რამდენიმე დეპარტამენტს აუქმებს, მათ შორისაა უმაღლეს საბჭოსთან ურთიერთობის დეპარტამენტი, რომელსაც აჭარის წინა მოწვევის უმაღლესი საბჭოს წევრი ავთანდილ ბერიძე ხელმძღვანელობს. ამ დეპარტამენტში სულ ორი ადამიანი მუშაობს.

საერთო ჯამში აჭარის მთავრობის დადგენილების პროექტი აჭარის მთავრობის აპარატში დეპარტამენტების ერთი მესამედით შემცირებას გულისხმობს.

უმაღლეს საბჭოსთან ურთიერთობის დეპარტამენტის გარდა უქმდება შიდა აუდიტისა და სტრატეგიული განვითარების დეპარტამენტები, ამავდროულად, დაგეგმილია რამდენიმე დეპარტამენტის გაერთიანება ფუნქციური უფლება-მოვალეობების მიხედვით.

დღეს, 29 აგვისტოს, აჭარის მთავრობის სხდომაა დაგეგმილი, სხდომაზე შვიდი საკითხი განიხილება, მათ შორის ორი საკითხი არასტანდარტული საცხოვრისის ათვისების პროგრამის ფარგლებში რამდენიმე წინადადების მოწონებასა და შეთანხმებას ეხება. ვრცლად ამ საკითხებზე „ბათუმელები“ სხდომის დასრულებისთანავე  გამოაქვეყნებს მასალას.

ნეტგაზეთის მასალების სხვა გამოცემებში გადაბეჭდვის წესი
ავტორი