ამერიკული და იტალიური გემები ხვალ, 23 აგვისტოს, დილით, ბათუმის ნავმისადგომზე შემოვლენ. ამერიკულ გემ USS Carney-ს აჭარის მთავრობის თავმჯდომარის მოვალეობის შემსრულებელი, ზაალ მიქელაძე დახვდება, რადგან აჭარის მთავრობის თავმჯდომარე თორნიკე რიჟვაძე საქმიანი ვიზიტით პოლონეთში იმყოფება.
საქართველოში იტალიის საელჩოს ინფორმაციით, სამხედრო-საზღვაო ფლოტის სასწავლო-საწრთვნელი გემი Palinuro ტარანტოს პორტიდან 23 ივლისს გამოვიდა და კოსის, სტამბულისა და კოსტანცას ნავსადგურებში გაჩერების შემდეგ ბათუმში ხვალ დილით შემოვა.
ბათუმში Palinuro-ს ჩამოსვლასთან დაკავშირებით, 2018 წლის 23 აგვისტოს, 10:00 საათზე, გემის მეთაური ჩაატარებს პრესკონფერენციას, რომელზეც გაიმართება გემისა და 2018 წლის საწრთვნელი კამპანიის პრეზენტაცია.
გემი Palinuro მნახველთათვის ღია იქნება შემდეგ დღეებსა და საათებში:
- 23 აგვისტო: 16:00 საათიდან 19:00 საათამდე
- 24 აგვისტო: 09:00 საათიდან 12:00 საათამდე და 16:00 საათიდან 18:30 საათამდე
- 25 აგვისტო: 09:00 საათიდან 12:00 საათამდე და 16:00 საათიდან 19:00 საათამდე
![ვის [არ] შეხვდა ზურაბ პატარაძე აჭარაში „ოცნების“ მთავრობის თავმჯდომარედ დაბრუნების შემდეგ](https://batumelebi.netgazeti.ge/wp-content/uploads/2026/06/pataradze-kaveri.jpg)
