Batumelebi | ნულოვანი ტუბერკულოზის ინიციატივა, რომლის მიზანია დაავადებისგან თავისუფალი ზონის შექმნა აჭარაში ნულოვანი ტუბერკულოზის ინიციატივა, რომლის მიზანია დაავადებისგან თავისუფალი ზონის შექმნა აჭარაში – Batumelebi
ნეტგაზეთი • RU

ნულოვანი ტუბერკულოზის ინიციატივა, რომლის მიზანია დაავადებისგან თავისუფალი ზონის შექმნა აჭარაში

აჭარის რეგიონი ნულოვანი ტუბერკულოზის ინიციატივას შეუერთდა. ეს პროექტი გულისხმობს ტუბერკულოზის, აივ ინფექცია/შიდსის და C ჰეპატიტის ინტეგრირებულ სკრინინგს და ტუბერკულოზის გამოსავლების გაუმჯობესებას აჭარის რეგიონში. პროექტის ფარგლებში იგეგმება ინოვაციური, პაციენტზე ორიენტირებული მიდგომების დანერგვა.

პროექტთან დაკავშირებით სამუშაო შეხვედრები გუშინ, 29 ივლისს, დაიწყო და 2 აგვისტომდე გაგრძელდება.

სპეციალისტები ამბობენ, რომ აჭარის რეგიონი ხასიათდება დაავადების მაღალი დონით ქვეყნის სხვა რეგიონებთან შედარებით, 2017 წელს რეგიონში რეგისტრირებულია ტუბერკულოზის 323 ახალი შემთხვევა (ინციდენტობის მაჩვენებელი 79), მ.შ. ფილტვის ტუბერკულოზის ახალი შემთხვევების რაოდენობამ 247 შეადგინა. მიუხედავად ყოველწლიური კლებადი დინამიკისა, აღნიშნული მაჩვენებელი მაღალია ქვეყნის საშუალო მაჩვენებელთან შედარებით, ინციდენტობა 2017 წლისათვის ქვეყნის დონეზე შეადგენს 57-ს 100 ათას მოსახლეზე. 

აჭარის ჯანდაცვის სამინისტრომ ჯერ კიდევ მარტის თვეში აიღო ვალდებულება საზოგადოებრივი ჯანდაცვის ცენტრის ჩართვის გზით,  პროექტის ფარგლებში გარკვეული აქტივობების თანადაფინანსებისა. ინიციატივის განსახორციელებლად აჭარის ავტონომიური რესპუბლიკის მთავრობის ნებით, ცენტრისათვის მიმდინარე წელს გამოყოფილ იქნა 89 172 ლარი, რომელიც მოიცავს აქტივობებს აგვისტო-დეკემბრის პერიოდში.

პროექტი მოიცავს 2019 წელს სრულად.

 

ნეტგაზეთის მასალების სხვა გამოცემებში გადაბეჭდვის წესი
ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან