ბათუმის საკრებულო მერიის ა(ა)იპ-ისა და სამსახურების უფროსების სხდომაზე მისვლას ითხოვს


დღეს, 27 ივლისს, ბათუმში მიმდინარე საკრებულოს სხდომაზე მერიის ა(ა)იპ-ისა და სამსახურების უფროსების სხდომაზე მისვლა მოითხოვეს.

ეს მოთხოვნა გაისმა საკრებულოს უმრავლესობის და ოპოზიციის მხრიდანაც.

საკრებულოს თავმჯდომარის მოადგილის, ლაშა სირაბიძის თქმით, საკრებულოს წევრებს აქვს კითხვები და უკვე მერამდენე სხდომაა მათ მისვლას უშედეგოდ ითხოვენ.

ფრაქცია „ერთიანი ნაციონალური მოძრაობის“ წევრმა ლევან ანთაძემ განაცხადა, რომ ეს კითხვები უკავშირდება კორუფციასა და ნეპოტიზმს: „თუ მოსვლა არ ვაიძულეთ, მალე ტელეფონზეც არ გვიპასუხებენ“ – აღნიშნა მან.

საკრებულოს თავმჯდომარე, სულიკო თებიძე დაპირდა როგორც უმრავლესობას ასევე ოპოზიციას, რომ ამ პრობლემას მოაგვარებს.

ბათუმის მერიას 12 ა(ა)იპ-ი და რვა სამსახური აქვს.

ნეტგაზეთის მასალების სხვა გამოცემებში გადაბეჭდვის წესი
ავტორი