24 ივლისს, დილის 5 საათზე, რუსეთის შეიარაღებულმა ძალებმა ხარკოვის რეგიონს შეუტიეს რაკეტებით. ბოლო ცნობებით, შეტევის შედეგად დაიღუპა 1 ადამიანი, ორი – დაშავდა, გაჩნდა ხანძარი, დაზიანდა ავტომანქანები.
ასევე, ოთხშაბათს ღამით, რუსეთმა დრონებით შეუტია ოდესის ოლქში იზმაილის პორტის ინფრასტრუქტურას. ერთი დრონი იზმაილში ხუთსართულიან საცხოვრებელ კორპუსს მოხვდა, დაშავდა სამი ადამიანი, პორტთან რამდენიმე შენობა განადგურდა და ხანძარი გაჩნდა.
უკრაინის საჰაერო ძალების განცხადებით, მათ რუსეთის მიერ გაშვებული 23 დრონიდან 17 სამიზნე გაანადგურეს.
____________
ფოტოზე: დაზიანებული სახლი ხარკოვში
