ქედის მუნიციპალიტეტმა წელს პირველად ,,გენდერული თანასწორობის ფინანსური უზრუნველყოფის მიზნობრივი პროგრამა“ დააფინანსა.
,,ტოლერანტობის დღე“, ,,ახალგაზრდა გოგონათა საერთაშორისო დღე“, საინფორმაციო კამპანია ,,არა ძალადობას“, ,,ფორთოხლისფერი მსოფლიო – შეწყვიტე ძალადობა ქალებისა და გოგონების მიმართ!“, ,,ჩვენ პატივს ვცემთ განსხვავებულს“, ,,ქორწინება ადრეულ ასაკში და მისი შედეგები“, ქალთა მიმართ ძალადობისა და ოჯახში ძალადობის საკითხებზე საგანმანათლებლო-საინფორმაციო ტრენინგ/სემინარების ჩატარება, ,,გენდერის საათი“ და ,,ქალის როლი საზოგადოებრივ ცხოვრებში“ – სულ 9 პროგრამის ბიუჯეტი 5 300 ლარს შეადგენს.
ვორქშოფი „ჩვენ პატივს ვცემ განსხვავებულს“
პროგრამის ფარგლებში დღეს მეორე ღონისძიება გაიმართა. შემეცნებითი სამუშაო ვორქშოფი „ჩვენ პატივს ვცემ განსხვავებულს“ მუნიციპალიტეტის სხვადასხვა სკოლების უფროსკლასელთათვის მოეწყო, რომელსაც ბათუმის ამერიკული კუთხის პროგრამების კოორდინატორი, მალმოს უნივერსიტეტის საერთაშორისო სამაგისტრო პროგრამის კურსდამთავრებული – მამუკა საფარიძე გაუძღვა. მოსწავლეებისთვის შეთავაზებული იქნა აქტივობები, რომელიც მიზნად ისახავს ახალგაზრდებში ცნობიერების დონის ამაღლებას, ტოლერანტობის უნარის გაღვივებასა და მრავალფეროვნების დაფასებას.
ვორქშოფი „ჩვენ პატივს ვცემ განსხვავებულს“
მონაწილეებმა შექმნეს წარმოსახვითი პერსონები, განსაზღვრეს მანიპულაციისა და პროპაგანდის სახეები, ჯგუფური ინტერაქციული სამუშაოების მეშვეობით შეაფასეს ანტიდისკრიმინაცული პოლიტიკის მნიშვნელობა და ა.შ.
სამუშაო შეხვედრაზე ტრენერის ორგანიზებით ახალგაზრდებმა გამოყენეს ელექტრონული აპლიკაციები, რაც ხელს უწყობს მონაწილეთა პროცესში აქტიურ ჩართულობასა და მასალის იოლად აღქმას. ციფრული და ელექტრონული რესურსის გამოყენება განსხვავებული სტრუქტურისა და შინაარსის მქონე აქტივობების დაგეგმვის საშუალებას იძლევა. ასეთი აქტივობები ეხმარება ახალგაზრდებს გამოიმუშაონ კოოპერაციისა და თანამშრომლობის უნარები, პატივი სცენ მათგან განსხვავებულ ადამიანებსა და შეძლონ თანასწორობაზე და თანაბარ უფლებებზე დაფუძნებული საზოგადოების შექმნა.
ღონისძიების ფასილიტაციას ქედის ,,ქალთა ოთახის“ მენეჯერი თეა შარაშიძე უწევდა.
