უკრაინის პრეზიდენტმა ვლადიმერ ზელენსკიმ განაცხადა, რომ აუცილებელია გამოძიება 24 იანვარს რუსული ილ-76 თვითმფრინავის ჩამოვარდნის ფაქტზე.
„ჩვენ უნდა დავადგინოთ ყველა ფაქტი, რამდენადაც ეს შესაძლებელია, იმის გათვალისწინებით, რომ ავიაკატასტროფა რუსეთის ტერიტორიაზე მოხდა, ჩვენ კონტროლის მიღმა.
მე დავავალე უკრაინის საგარეო საქმეთა მინისტრს, ეცნობებინა პარტნიორებისთვის უკრაინაში არსებული მონაცემების შესახებ. ჩვენი სახელმწიფო დაჟინებით მოითხოვს საერთაშორისო გამოძიებას“ – განაცხადა ზელენსკიმ.
მან აღნიშნა, რომ რუსეთი თამაშობს უკრაინელი პატიმრების სიცოცხლით, მათი ნათესავების გრძნობებითა და უკრაინაში საზოგადოების ემოციებით.
რუსული სამხედრო თვითმფრინავი „ილ-76“ რუსეთში, ბელგოროდის ოლქში გუშინ, 23 იანვარს ჩამოვარდა. მოსკოვში განაცხადეს, რომ დაღუპულთა შორის 65 უკრაინელი ტყვე იყო და თვითმფრინავის ჩამოგდებაში უკრაინა დაადანაშაულეს. უკრაინული მხარე ადასტურებს, რომ 24 იანვარს უკრაინასა და რუსეთს შორის ტყვეების გაცვლა უნდა მომხდარიყო.
