Batumelebi | 24-27 სექტემბერს ბათუმი რეკლამის საერთაშორისო ფესტივალ AD BLACK SEA-ს უმასპინძლებს 24-27 სექტემბერს ბათუმი რეკლამის საერთაშორისო ფესტივალ AD BLACK SEA-ს უმასპინძლებს – Batumelebi
RU | GE  

24-27 სექტემბერს ბათუმი რეკლამის საერთაშორისო ფესტივალ AD BLACK SEA-ს უმასპინძლებს

 

2015 წლის 24-27 სექტემბერს ბათუმში რეკლამის საერთაშორისო ფესტივალი Ad Black Sea გაიმართება, სადაც ფესტივალის მონაწილეებისთვის ცოდნისა და გამოცდილების გასაზიარებლად რეკლამის სპეციალისტები მსოფლიოს 20 ქვეყნიდან ჩამოვლენ. 

 

ფესტივალი საქართველოს საკომუნიკაციო სააგენტოების ასოციაციისა და  უკრაინის სარეკლამო კოალიციის ერთობლივი ძალისხმევით ტარდება. ამ ეტაპზე მისი მთავარი მიზანია დაფუძნდეს ევროპის საფესტივალო რუქაზე, გადაიქცეს ყოველწლიურ ღონისძიებად და დროთა განმავლობაში მოახერხოს რეგიონალური მნიშვნელობის ფორუმად ქცევა, რაც ბუნებრივია უდიდეს გავლენას მოახდენს საქართველოში სარეკლამო სფეროს განვითარებაზე.

 

Ad Black Sea არის ინსპირაციის, საერთაშორისო გამოცდილების გაზიარების, ახალი იდეების დაბადების ადგილი. 4 დღის განმავლობაში, ფესტივალის პროგრამის ფარგლებში ჩატარდება სემინარები, ვორქშოპები, მასტერკლასები, რაც შესანიშნავი საშუალებაა ადგილობრივი და დარგობრივი სპეციალისტებისათვის, ბიზნესმენებისათვის, მეწარმეებისათვის განავითარონ და გააღრმავონ თავიანთი ცოდნა და გამოცდილება, მიიღონ რჩევები და ინსპირაცია მსოფლიოში აღიარებული სპეციალისტებისაგან.  ფესტივალის მონაწილეებს შეეძლებათ შეხვდენენ, მოისმინონ და გაიცნონ სარეკლამო სფეროს თვალსაჩინო წარმომადგენლები ევროპიდან და ამერიკიდან, გაუზიარონ მათ თავისი ხედვები, ნახონ სხვადასხვა ქვეყნებში შექმნილი ნამუშევრები, მონაწილეობა მიიღონ კონკურსში.

 

ფესტივალი 3 ძირითადი მიმართულებისგან შედგება:

 

  1. საგანმანათლებლო პროგრამა, რომლის ფარგლებში  მონაწილეებს შეეძლებათ შეხვდენ და მოუსმინონ მაიკლ კონრადს (Berlin School of Creative Leadership, Germany), ალექს პაიეტეს (Picnic, Spain), ფარიდ ჩეჰაბს (Leo Burnett MENA, Leanon), ჟოაო-მანუელ ტიხომიროფს (Mixer, Brasil), ევგენი პრიმაჩენკოს (Weiden+Kennedy, Netherlands) და სხვა საინტერესო გამომსვლელებს.

 

  1. კონკურსი, რომელიც 3 კატეგორიისაგან შედგება:

 

–         საუკეთესო ვიდეო კონტენტი და სხვა ბრენდირებული კონტენტი

–         საუკეთესო დიზაინი, პრინტი და პოსტერი

–         საუკეთესო იდეა

კონკურსში მონაწილეობა ნებისმიერ მსურველს შეუძლია. ნამუშევრები 4 სექტემბრამდე შემდეგ ბმულზე მიიღება: https://adblacksea.com/registration/login

 

* შენიშვნა: ქართული სააგენტოებისთვის ნამუშევრის წარდგენა უფასოა. ნამუშევარი მიღებულად ჩაითვლება მხოლოდ მაშინ, როდესაც გადახდის ინვოისს მოითხოვთ, თუმცა ის თქვენ არ გამოგეგზავნებათ.

 

  1. კულტურული პროგრამა, რომლის ფარგლებში ფესტივალის დელეგატები სხვადასხვა სახის გასართობ ღონისძიებებში მიიღებენ მონაწილეობას.

ფესტივალის შესახებ მეტი ინფორმაციისათვის ეწვიეთ შემდეგ ბმულს: https://adblacksea.com/

 

ყურადღება:

ქართველი მონაწილეებისთვის ფესტივალზე დასწრება უფასოა! ამისათვის საჭიროა გაიაროთ რეგისტრაცია შემდეგ ბმულზე: https://adblacksea.com/registration

 

* შენიშვნა: ყურადღებით შეავსეთ ყველა ბმული, რათა დამზადდეს ბეიჯი თქვენს სახელზე.

* ვალუტის არჩევისას შეგიძლიათ ნებისმიერი მონიშნოთ. ინვოისი არ გამოგეგზავნებათ.

 

 

ნეტგაზეთის მასალების სხვა გამოცემებში გადაბეჭდვის წესი
რეკლამა