შაბათს, 8 ივნისს, დრონების თავდასხმა პირველად დაფიქსირდა რუსეთში, ჩრდილოეთ ოსეთში მდებარე აეროდრომთან , რომელსაც, ოფიციალური კიევის ცნობით, რუსეთი უკრაინაზე თავდასხმისთვის იყენებს.
რუსეთის თავდაცვის სამინისტრომ განაცხადა, რომ ჩრდილოეთ ოსეთი-ალანიის რესპუბლიკის ტერიტორიაზე ერთი უკრაინული უპილოტო საფრენი აპარატი განადგურდა, მოგვიანებით კი რეგიონის გუბერნატორმა განმარტა, რომ საჰაერო თავდაცვის ძალებმა მოზდოკში სამი დრონი ჩამოაგდეს.
რუსული მედიის ცნობით, ჩრ. ოსეთში მდებარე მოზდოკის რეგიონში მოქალაქეების უსაფრთხოების მიზნით, ყველა საჯარო ღონისძიება გაუქმებულია.
უკრაინული მხარის ცნობით, მოზდოკის აეროდრომიდან მიფრინავენ უკრაინისკენ რუსული თვითმფრინავები: МиГ-31К და Ту.
ჩრდილოეთ ოსეთი საბრძოლო ზონიდან საკმაოდ დიდ მანძილზე მდებარეობს, მაგალითად, ზაპოროჟიედან 900 კმ-ით არის დაშორებული.
_____________
ფოტოზე: უკრაინული დრონი „ღამურა“. ფოტო: EPA-EFE/სერგეი კოზლოვი
