ხულოს მერის, გოჩა მელაძის ინფორმაციით, ამ დროისთვის საავტომობილო მიმოსვლა ბათუმიდან ხულოს მიმართულებით მხოლოდ სამთო-სათხილამურო კურორტ გოდერძიმდეა შესაძლებელი. რაც შეეხება გოდერძის უღელტეხილიდან ზარზმის მიმართულებით არსებულ საავტომობილო გზას – ჩაკეტილია. ზარზმის მიმართულებით და პირიქით, ტურისტებს სპეციალური თოვლმავალი ემსახურება.
„გოდერის უღელტეხილიდან ზარზმის მიმართულებთ გზა ჩაკეტილია, თოვლის საფარი კი 2-3 მეტრს აღწევს. ბათუმიდან კურორტ გოდერძიმდე ავტომობილები შეუფერხებლად გადაადგილდება, კურორტს კი თავისი მუხლუხებიანი სპეციალური ავტომობილი აქვს, რომლითაც ადიგენის სოფელ უტყისუბნიდან – ტურისტები ყოველდღიურად გადმოჰყავს,“ – ამბობს გოჩა მელაძე.
კურორტის ადმინისტრაციაში აცხადებენ, რომ თოვლმავალი, რომელიც ერთდროულად 12 მგზავრს იტევს, ყოველდღიურად ასრულებს რეისს კურორტ გოდერძსა და სოფელ უტყისუბანს შორის: „მაგრამ როცა მოთხოვნა მეტია, უფრო მეტ რეისს ასრულებს საჭიროებისამებრ“.
გოჩა მელაძის თქმით, სოფელ უტყისუბნიდან გოდერძის უღელტეხლამდე გზის მონაკვეთი, რომელიც ზამთარში იკეტება, დაახლოებით 17 კილომეტრია, გზის გახსნას კი, ხულოს მერი ადრე გაზაფხულზე ვარაუდობს: „გაზაფულზე იწყება ხულო-გოდერძი, გოდერძი-ზარზმის გზის მშენებლობა, შესაბამისად, გზა ადრე გაზაფხლზე გაიხსნება.“
კურორტი გოდერძი / გიორგი ნაკაშიძის ფოტო
