ნეტგაზეთი • RU

ხეები ბათუმში მდებარე გალერეისა და კაფეს ინტერიერში [ფოტო]

 

ბათუმის  ხელოვნების სახელმწიფო მუზეუმის უკანა მხარეს მდებარე გალერეასა და მეორე სართულზე მდებარე ღია კაფეში მრავალწლოვანი ხეები ინტერიერის ნაწილია. მუზეუმის პატარა სკვერში ხეების შენარჩუნების იდეა ხელოვნების მუზეუმის ხელმძღვანელის, მხატვარ ნინო ნიჟარაძის გადაწყვეტილება იყო. 

გალერეისა და კაფეს პროექტში თავიდანვე იყო განსაზღვრული, რომ მშენებლობის გამო სკვერში მრავალწლოვანი ხეები არ უნდა მოეჭრათ, შესაბამისად, გალერეის შუაგულში, შემინულ ნაწილში, მრავალწლოვანი წიწვოვანი ხეა მოქცეული, რომელიც გალერეის ზემოთ მდებარე კაფეს ღია ტერასას ბუნებრივად ჩრდილავს. ტერასას ჩრდილავს მეორე მრავალწლოვანი მცენარეც, ქაფურის ხე, რომელიც ასევე შენარჩუნებული იქნა.

ხელოვნების მუზეუმის დირექტორი, ნინო ნიჟარაძე ამბობს, რომ მათ იდეას მშენებლების მხრიდან პროტესტი არ მოჰყოლია: „ეს იყო წინასწარ პროექტში გათვალისწინებული და არქიტექტორმა, ზურაბ ვაშაკიძემ გაითვალისწინა ჩვენი თხოვნა.“ 

გალერეა ყოველ დღე, ორშაბათის გარდა, მუშაობს,  კაფე კი ხელოვნების მუზეუმმა გააქირავა და ამჟამად აქ სარემონტო სამუშაოები მიმდინარეობს. 

გალარეა და კაფე

ხე გალერეის ინტერიერში

კაფე ამჟამად გახსნისათვის ემზადება

 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"