სოფელ ხუცუბანში, თანამედროვე სტანდარტების შესაბამისი საბავშვო ბაღის ორსართულიანი შენობა 90 აღსაზრდელზეა გათვლილი. პროექტის ფარგლებში მოეწყობა საძინებლები, გასართობი ოთახები, სველი წერტილები და დარბაზი, დამონტაჟდება ცენტრალური გათბობის სისტემა. ასევე კეთილმოეწყობა ეზო, სადაც დამონტაჟდება საბავშვო ატრაქციონები.
საბავშვო ბაღის მშენებლობისთვის ბიუჯეტიდან 434 000 ლარი დაიხარჯება. სამშენებლო სამუშაოებს ტენდერში გამარჯვებული ფირმა „ინტელექტი აწარმოებს“.
