შინაგან საქმეთა სამინისტროს მიერ ქვეყნის მთელ ტერიტორიაზე „ვიდეოანალიტიკური პროგრამული უზრუნველყოფით აღჭურვილი ერთიანი ვიდეომონიტორინგის სისტემის დანერგვისა და განვითარების“ პროექტის განხორციელებისთვის, 2016-2019 წლებში, სახელმწიფო ბიუჯეტიდან 30 მილიონი ლარი დაიხარჯება.
ქვეყნის მთავრობის განკარგულებით „სახელმწიფოებრივი და საზოგადოებრივი მნიშვნელობის ღონისძიების შეზღუდულ ვადებში შეუფერხებლად ჩატარების მიზნით“, ვიდეოანალიტიკური პროგრამული უზრუნველყოფისა და სათვალთვალო ვიდეოკამერების სახელმწიფო შესყიდვას შსს გამარტივებული შესყიდვის საშუალებით განახორციელებს.
დღეს შსს, როგორც ბათუმის საკრებულოში ამბობენ, მერიის სათვალთვალო კამერებს იყენებს.
