დღეს, 16 მაისს, სოფელ კვირიკეში ფერდობი ჩამოიშალა და ერთი ადამიანი მოიყოლა. დაღუპული კაცი 50-წლამდეა.
ინფორმაციას სოფელ კვირიკეში მერის წარმომადგენელი ზურაბ ლაზიშვილი გვიდასტურებს.
„სანიაღვრეს აკეთებდნენ, მოწყდა ფერდობი და ერთი ადამიანი მოიყოლა. საკმაოდ დიდი მასაა მიწის ჩამოშლილი, ერთი საათი დასჭირდა კაცის ამოყვანას, თუმცა უკვე გარდაცვლილი იყო“, – ამბობს ზურაბ ლაზიშვილი.
მისი თქმით, დაღუპულია კაცი სოფელ ხუცუბანში ცხოვრობდა.
კითხვაზე, იყო თუ არა უსაფრთხოების ნორმები დაცული სამშენებლო ობიექტზე, ზურაბ ლაზიშვილი ამბობს, რომ ამის თაობაზე ინფორმაციას არ ფლობს.
