მთავარი,სიახლეები • •

სად და როდის გაიმართება ბათუმის 2027 წლის ბიუჯეტის პროექტის საჯარო განხილვა

18.11.2026
სად და როდის გაიმართება ბათუმის 2027 წლის  ბიუჯეტის პროექტის საჯარო განხილვა

ბათუმის მერიამ 2027 წლის ბიუჯეტის პროექტის საჯარო განხილვის განრიგი გამოაქვეყნა.

ბიუჯეტის განხილვა ადმინისტრაციულ ერთეულებში 19 ნოემბრიდან დაიწყება. საჯარო განხილვები ეტაპობრივად, 14 ადმინისტრაციულ ერთეულს მოიცავს.

საჯარო განხილვებზე მოსახლეობას შესაძლებლობა ექნება, მერიას წარუდგონოს საკუთარი მოსაზრებები, წინადადებები და რეკომენდაციები.

ბიუჯეტის პროექტის პირველი ვარიანტი ბათუმის მერიას საკრებულოში უკვე წარდგენილი აქვს. საკრებულომ მერიას ბიუჯეტი თავისი შენიშვნებით უნდა დაუბრუნოს, შემდეგ კი შესწორებული ვარიანტი მერიამ საკრებულოს დასამტკიცებლად უნდა წარუდგინოს 10 დეკემბრამდე.

ბიუჯეტის პროექტი საკრებულომ ახალი საბიუჯეტო წლის დაწყებამდე უნდა დაამტკიცოს.

ბათუმის 2027 წლის ბიუჯეტის პროექტის საჯარო განხილვების გრაფიკი ადმინისტრაციულ ერთეულებში:

  • 19 ნოემბერი

12:00 საათი – მწვანე კონცხისა და თამარის ადმინისტრაციული ერთეულები ი. გრიშაშვილის ქუჩა №5

16:00 საათი – ბონი-გოროდოკისა და ბაგრატიონი 1-ის ადმინისტრაციული ერთეულები. ვ. მაიაკოვსკის ქუჩა №1

  • 20 ნოემბერი

16:00 საათი – რუსთაველისა და ძველი ბათუმის ადმინისტრაციული ერთეულები ზ. გორგილაძის ქუჩა №19

  • 24 ნოემბერი

12:00 საათი – ბაგრატიონი 2-სა და ხიმშიაშვილის ადმინისტრაციული ერთეულები, ნ. ფიროსმანის ქუჩა №16

16:00 საათი – ჯავახიშვილისა და აღმაშენებლის ადმინისტრაციული ერთეულები პ. ბაგრატიონის ქუჩა №151

  • 25 ნოემბერი

12:00 საათი – სამრეწველო და კახაბრის ადმინისტრაციული ერთეულები, ფრიდონ ხალვაშის გამზირი №83

16:00 საათი – აეროპორტისა და გონიო-კვარიათის ადმინისტრაციული ერთეულები, აფსაროსის გზატკეცილი №105.

დასწრება თავისუფალია. 

გადაბეჭდვის წესი

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ. ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას. დღეს შენი მხარდაჭერა გვჭირდება _ ამისთვის შევქმენით მარტივი და უსაფრთხო პლატფორმა: შეგიძლია აირჩიო შენთვის მისაღები თანხა, რომლის გადახდასაც შეძლებ, თუნდაც თვეში 1 ლარი, და გახდე „ბათუმელებისა“ და „ნეტგაზეთის“ მხარდამჭერი. ჩვენ არ გვინდა დამატებით ფინანსურ ტვირთად ვიქცეთ ვინმესთვის. ჩვენთვის საზოგადოების მხარდაჭერა არა თანხის ოდენობით, არამედ ჩვენი მკითხველისა და გულშემატკივრის სიმრავლით იზომება.
უფრო მეტ ინფორმაციას, ასევე, წესებსა და პირობებს შეგიძლია გაეცნო მხარდაჭერის პლატფორმაზე.

ასევე: