საქართველოს ახალგაზრდა იურისტთა ასოციაციის [საია] აჭარის ფილიალის თავმჯდომარედ თამარ წულუკიძე აირჩიეს.
თამარი 2022 წლის მარტიდან ასოციაციის აჭარის ფილიალის სამოქალაქო/ადმინისტრაციული სამართლის ადვოკატის პოზიციაზე, მანამდე საჯარო რეესტრის ეროვნული სააგენტოს სისტემური რეგისტრაციის დეპარტამენტში მუშაობდა. [2020 – 2022 წელი].
სხვადასხვა დროს თამარი მუშაოდა ასევე იურიდიულ კომპანიაში „Jorbenadze & Gatserelia conselors”, „საერთაშორისო გამჭვირვალობა საქართველოში“ და ასრულებდა მოხალისეობრივ საქმიანობას „მშვიდობის კორპუსის“ ორგანიზებულ პროექტში – „Summer english by the sea” .
თამარს ჩაბარებული აქვს ადვოკატთა საკვალიფიკაციო გამოცდა საერთო სპეციალიზაციით.
ის არის არაერთი ნაშრომის ავტორი, რომელიც ადვოკატის ეთიკას და საჯარო სასამართლო განხილვის საკითხებს შეეხება.
მას მონაწილეობა აქვს მიღებული არაერთ კონფერენციასა თუ სასწავლო პროგრამაში. მათ შორის, არის სახელმწიფო ინსპექტორის სამსახურის, ნიდერლანდებისა და შვედეთის საელჩოსა და IDFI -ის მიერ ორგანიზებული საზაფხულო სკოლის მონაწილე, WIPO – World Intellectual Property Organization-სა და ინტელექტუალური საკუთრების ეროვნული ცენტრის ინტელექტუალური საკუთრების ზოგადი კურსის მსმენელი, ფინანსთა სამინისტროს აკადემიისა და USAID-ის ერთობლივი პროექტის – “საქართველოსა და ევროპასთან ასოცირება” მონაწილე, ნიუ ვიჟენ უნივერსიტეტის მიერ ორგანიზებული იურიდიული ეთიკის კლინიკის – საქართველოს ადვოკატთა ასოციაციის ეთიკის კომისიისა და საქართველოს უზენაესი სასამართლოს სადისციპლინო პალატის პრაქტიკა“ (2020 წელი) კურსდამთავრებული.
თამარ წულუკიძე არის სამართალმცოდნეობის მაგისტრი. მას მინიჭებული აქვს, როგორც ბაკალავრის, ისე მაგისტრის აკადემიური ხარისხი ივ. ჯავახიშვილის სახელობის თბილისის სახელმწიფო უნივერსიტეტში.
