გენმოდიფიცირებული ორგანიზმების კვლევის ლაბორატორია წლის ბოლოს ამოქმედდება

აჭარის მთავრობის თავმჯდომარე ზურაბ პატარაძე და სოფლის მეურნეობის მინისტრი ლაშა კომახიძე ლაბორატორიულ კვლევით ცენტრში გენმოდიფიცირებული ორგანიზმების ახალ საკვებ ლაბორატორიას დაათვალიერებენ.

ლაბორატორიის ხელმძღვანელის რამაზ სურმანიძის თქმით, ლაბორატორიაში ახალი აპარატურა აქვთ შემოტანილი და მაისიდან ლაბორატორიის აკრედიტაციის პროცედურები დაიწყება. „წლის ბოლოდან კი კვლევების ჩატარებას ვგეგმავთ,“ – ამბობს ის.

გენმოდიფიცირებული პროდუქტები გამოსაკვლევად ლაბორატორიაში შემოსავლების სამსახურიდან და საბაჟოდან გაიგზავნება.

რამაზ სურმანიძის თქმით, ლაბორატორიაში პროდუქტების გამოკვლევას კერძო პირებიც შეძლებენ. როგორც დირექტორი ამბობს, გამოკვლევის ფასები ჯერ დადგენილი არ არის.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com