აჭარის უმაღლესი საარჩევნო კომისიის თავმჯდომარისა და კომისიის წევრის თანამდებობების დასაკავებლად 9 ივნისს გამოცხადებულ ღია კონკურსზე კანდიდატთა რეგისტრაცია დასრულდა.
კომისიის თავმჯდომარის თანამდებობის კანდიდატად კონკურსში სულ შვიდი პირი დარეგისტრირდა. მათ შორისაა აჭარის მთავრობის აპარატის უმაღლეს საბჭოსთან ურთიერთობის დეპარტამენტის ხელმძღვანელი პაატა ჯალაღონია.
აჭარის უმაღლესი საარჩევნო კომისიის თავმჯდომარეობის კონკურსში მონაწილე კანდიდატთა სია:
1. ბერიძე მურად;
2. დავითაძე ოთარ;
3. დიასამიძე ნერიმან;
4. იაკობაძე ზებურ;
5. მამულაძე ვლადიმერ;
6. ფარტენაძე დავით;
7. ჯალაღონია პარმენ.
ოცი პირი დარეგისტრირდა, უსკოს წევრის თანამდებობის დასაკავებლად კონკურსში მონაწილე კანდიდატად.
კონკურსზე რეგისტრაციის დამთავრებიდან არაუგვიანეს ხუთი დღის ვადაში კომისია უსკოს თავმჯდომარეობის ორ კანდიდატს და წევრობის სამ კანდიდატს აჭარის მთავრობის თავმჯდომარეს არჩილ ხაბაძეს წარუდგენს, ხოლო არჩილ ხაბაძე, წარდგენილი კანდიდატებიდან უსკოს თავმჯდომარეობის ერთ კანდიდატს და წევრობის ორ კანდიდატს დასამტკიცებლად უმაღლეს საბჭოს წარუდგენს.
