ძველი ბათუმის ეზოების ესკიზები – 87 200 ლარი ცხრა ეზოს მოსაწყობად



ძველ ბათუმში ეზოების კეთილმოწყობა იგეგმება. მერიის მიერ ამჯერად შერჩეულია ცხრა ეზო, სადაც შესაბამის სამუშაოებს ტენდერში გამარჯვებული შეასრულებს. სატენდერო თანხა 87 200 ლარია. წინადადებების მიღება 2019 წლის 25 მაისს დაიწყება და 28 მაისს დასრულდება.

26 მაისი/ფ. მეფის N 37/87; რ. კომახიძის ქ. N7; ლუკა ასათიანის ქ. N12; ზ. გამსახურდიას ქ. N43; ი. აბაშიძის (იმნაძის) ქ. N4; კოსტავას ქ. N32; მემედ აბაშიძის ქ. N35; თავდადებულის ქ. N10; ნინოშვილის ქ. N3 – ეს იმ ეზოების მისამართებია, სადაც აღნიშნული ტენდერის ფარგლებში სამუშაოები უნდა შესრულდეს წარმოდგენილი ვიზუალური ესკიზების და ტექნიკური სპეციფიკაციების შესაბამისად. ტენდერის პირობის მიხედვით, ყველა სამუშაო უნდა შეთანხმდეს ბათუმის მერიასთან. 

ვიზუალური ესკიზების სანახავად გადადით ამ ბმულზე.

ეს ცხრა ეზო მერიამ ეკონომიკური, სოციალური და კულტურული ცენტრების განვითარების მხარდაჭერის პროგრამის ფარგლებში შეარჩია.

ტენდერში გამარჯვებულს, ძველი ბათუმის ტერიტორიაზე მდებარე ამ ცხრა ეზოში მცირე ეკონომიკური საქმიანობის დაწყების მხარდასაჭერად, ეზოების კეთილმოწყობის სამუშაოების [მათ შორის კედლების მოხატვა] და შესაბამისი საქმიანობისთვის საჭირო ინვენტარის [ავეჯი, ტექნიკა] შესყიდვის ორგანიზება ევალება.

მერიის მოთხოვნაა, კედლების მოხატვა განხორციელდეს გამოცდილი სპეციალისტ[ებ]ის მიერ: „ხელშეკრულების მოქმედების პერიოდში თუ პრეტენდენტს არ ჰყავს მსგავსი გამოცდილების სპეციალისტი, ქვეკონტრაქტით მისი აყვანა უნდა შეთანხმდეს მერიასთან“.

ძველი ბათუმის ერთ-ერთი ეზოს ესკიზი / წყარო: სატენდერო დოკუმენტები

ძველი ბათუმის ერთ-ერთი ეზოს ესკიზი / წყარო: სატენდერო დოკუმენტები

ძველი ბათუმის ერთ-ერთი ეზოს ესკიზი / წყარო: სატენდერო დოკუმენტები

ამ თემაზე:

მერია ძველი ბათუმის ეზოების ეკონომიკურ პოტენციალს შეისწავლის

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com