პოლიციის სახელით ბათუმში ჰოსტელს ძარცვავდნენ – ერთ-ერთი მძარცველი სტუმრებმა დააკავეს

პოლიციის სახელით ორი პირი ბათუმში, რუსთაველის ქუჩაზე მდებარე ჰოსტელში შეიჭრა. ეს ჰოსტელი იმავე შენობაშია, სადაც პოლიციის მე-6 განყოფილებაა განთავსებული.

გამოძიების ვერსიით, ორი პირი პოლიციელის სახელით შეიჭრა ჰოსტელში და სტუმრებისთვის ნივთების წართმევა სცადა. ჰოსტელში შესულმა პირებმა ტურისტებს თავდაპირველად უთხრეს, რომ ისინი პოლიციიდან იყვნენ და ნარკოტიკს ეძებდნენ.

ჰოსტელის სტუმრებმა ერთ-ერთი პირი მას შემდეგ დააკავეს, როცა ის ტურისტისთვის მობილურის წართმევას შეეცადა. მეორე პირი კი, პოლიციელებმა დააკავეს.

ჰოსტელი ამ დროისთვის ცარიელია. ადგილზე არც ჰოსტელის მენეჯერი დაგვხვდა.

ფაქტი გუშინ, 4 დეკემბერს, გამთენიისას მოხდა.

გამოძიება სისხლის სამართლის კიდექსის 178-ე მუხლის შესაბამისად მიმდინარეობს, რაც ძარცვას გულისხმობს.

ინფორმაცია პოლიციის შენობაში მდებარე ჰოსტელის ძარცვის შესახებ პირველად „იმედმა“ გაავრცელა.

ჰოსტელის მიმდებარე ტერიტორია, რუსთაველის ქუჩა

 

 

ნეტგაზეთის მასალების სხვა გამოცემებში გადაბეჭდვის წესი


ავტორი