„საქართველოს გაუმარჯოს!“ – ინგილო სპორტსმენი რუსეთში რინგზე საქართველოს დროშით გამოვიდა

რუსეთში, ქალაქ ეკატერინბურგში გამართულ რინგზე 22 წლის სპორტსმენმა, სურაჯ გასანოვმა,  რუს მეტოქეს, ევგენი ერშოვს სძლია, ბარიერზე ახტა და შეჯიბრის დასასრულს, მოულოდნელად, კამერას „საქართველოს გაუმარჯოს“ –  ჩასძახა, მერე კი ქართული დროშით გამოვიდა არენაზე.

სპორტსმენის ამ ჟესტმა დააბნია რუსი კომენტატორიც: „საინტერესოა, რატომ დარბის საქართველოს დროშით? სახელი და გვარი ქართული არ აქვს, ალბათ საქართველოში დაიბადა,“ – თქვა პირდაპირ ეთერში რუსმა ჟურნალისტმა.

გასანოვი რუსეთის სახელით ასპარეზობს 61 წონით კატეგორიაში. მისი სპორტული კარიერა 2016 წლიდან დაიწყო.

სურაჯ გასანოვი ჰერეთიდან (საინგილო), აზერბაიჯანიდანაა. „ბათუმელების“ ინფორმაციით, მისი ქართული გვარი იანუღაშვილია.  სპორტსმენი საქართველოსდროშიანი მაისურით ჩნდება სხვადასხვა შეჯიბრზე.

მთავარ ფოტოზე: სურაჯ გასანოვი თემირლან ტოლოევთან ორთაბრძოლოს დასასრულს.

ნეტგაზეთის მასალების სხვა გამოცემებში გადაბეჭდვის წესი


ავტორი
თამუნა ნერგაძე არის "ბათუმელების" რეპორტიორი 2017 წლის ოქტომბრიდან