დღეს ბათუმში ლურჯი ავტობუსებით მგზავრობა უფასო იქნება – ახალი მარშრუტი

ბათუმის მერიის ინფორმაციით, ახალი მუნიციპალური ავტობუსები სამარშრუტო ხაზებზე პირველი სექტემბრიდან, იმოძრავებენ. „ბათუმობის“ დღესასწაულთან დაკავშირებით ახალი ავტობუსებით მგზავრობა უფასო იქნება. ჩვეულ რეჟიმში იმუშავებენ ასევე ყვითელი ავტობუსებიც, თუმცა  ყვითელი ავტობუსებით მგზავრობა უფასო არ იქნება.

დღეიდან ბათუმის ქუჩებში ახალი ლურჯი ავტობუსები იმოძრავებენ შემდეგ მარშრუტებზე: #10, 10-ა და # 6.

„ბათუმის ავტოტრანსპორტის“ მარკეტინგის სამსახურის ხელმძღვანელის, ბესო დათიაშვილის ინფორმაციით:

#10 ლურჯი ავტობუსი მოძრაობას დაიწყებს აეროპორტის დასახლებიდან, გაივლის ანწუხელიძის, კაჩინსკებისა და ხიმშიაშვილის ქუჩებს, ხოლო შემდეგ გადავა რუსთაველის ქუჩაზე,  რუსთაველიდან – ბაქოს ქუჩაზე და  თამარ მეფის გზადკეცილით ჩავა მახინჯაურში, საიდანაც მწვანე კონცხზე დაასრულებს მოძრაობას.

10ა მოძრაობას დაიწყებს ასევე აეროპორტის დასახლებიდან, გაივლის აეროპორტის გზატკეცილს, აბუსერიძის ქუჩას, შარატავას, ხიმშიაშვილის ქუჩებს, გადავა რუსთაველზე, აქედან კი – ბაქოს ქუჩაზე და მწვანე კონცხზე დაასრულებს მოძრაობას.

#6 მოძრაობას დაიწყებს ასათიანის ქუჩიდან [ყინულის მოედნის მიმდებარე ტერიტორია], გაივლის ლერმონტოვის, გრიბოედოვისა და ჯავახიშვილის ქუჩებს,  შემდეგ გადავა გორგილაძის ქუჩაზე, ამ ქუჩიდან კი ბარათაშვილზე და თბილისის მოედანზე დაასრულებს მოძრაობას.

ავტობუსები იმავე მარშრუტით დაბრუნდებიან უკან“.

მთავარი ფოტო: ბათუმის მერია

ნეტგაზეთის მასალების სხვა გამოცემებში გადაბეჭდვის წესი


ავტორი