როგორ გამოიყურება მსოფლიოს ყველაზე უშნო ძაღლი

მსოფლიოს ყველაზე უშნო ძაღლის კონკურსის გამარჯვებული 9 წლის ინგლისური ბულდოგი სახელად ჟა-ჟა გახდა. ამის შესახებ ინფორმაციას დასავლური გამოცემა Independent-ი ავრცელებს.

ყოველწლიური კონკურსი დაიწყო, როგორც პაროდია სუფთა ჯიშის ძაღლების ტრადიციული კონკურსისა, სადაც ძაღლები უბეწვო სხეულებით, გადმოგდებული ენებითა და უცნაური თვალებით მეპატრონეებთან ერთად გამოვიდნენ წითელ ხალიჩაზე. მათ მსაჯები აფასებდნენ.

შეუხედავი ძაღლების მეპატრონეებს საკმაოდ კარგი სტიმული აქვთ, ყოველწლიურად მიიყვანონ თავიანთი ძაღლები ამ სასაცილო ღონისძიებაზე. მაგალითად, ჟა-ჟას მეპატრონემ, მეგან ბრეინარდმა მინესოტას შტატიდან, 1500 აშშ დოლარი მოიგო პრიზად.

ჟა-ჟა და მეგანი

თავად ჟა-ჟა კი, თავისი გიგანტური ენით, დაღრეკილი კბილებითა და ვარდისფერი “მანიკიურით” ასე გამოიყურება:

ფოტო: Nathan Congleton TODAY

კონკურსის სხვა მონაწილეები [წყარო:www.independent.co.uk]:

ნეტგაზეთის მასალების სხვა გამოცემებში გადაბეჭდვის წესი


ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან