ინტოქსიკაციით და სტრესის გამო საავადმყოფოში სამი ადამიანია გადაყვანილი – ხანძარი ბათუმში

ბათუმის მერის მოადგილის, ლელა სურმანიძის ინფორმაციით, ბათუმში  ხანძრის გამო ამ დროისთვის ერთი მეხანძრე რეფერალურ, ხოლო ორი მოქალაქე რესპუბლიკურ საავადმყოფოშია გადაყვანილი.

„მათ უტარდებათ შესაბამისი პროცედურები.  ხანძრის შედეგად დამწვრობა არც ერთს არ აღენიშნება. მეხანძრეს ინტოქსიკაციის ნიშნები აქვს, ერთ მოქალაქეს სტრესის ფონზე აქვს მაღალი წნევა, მეორეს კი – შაქარი.“ – გვითხრა ლელა სურმანიძემ.

ხანძარი ბათუმში, მანთაშევის სარკინიგზო გადასასვლელთან ახლოს მდებარე სახლებს დღეს, 24 აპრილს, დაახლოებით 18 საათზე გაუჩნდა. ადგილზე მეხანძრეები მუშაობენ. ადგილზე იმყოფება სასწრაფო სამედიცინო სამსახურის ჯგუფიც.

„ბათუმელების“ ინფორმაციით, დამწვარია სამი საცხოვრებელი სახლი.

ნეტგაზეთის მასალების სხვა გამოცემებში გადაბეჭდვის წესი


ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com