ნეტგაზეთი • RU

ბათუმის მერია 40 000 ლარის დახარჯვას ცდილობს

 

 

   ბათუმის მერიის სპორტისა და ახალგაზრდობის განყოფილება საკრებულოს განათლების, კულტურის, ტურიზმისა და სპორტის საკითხთა კომისიაში შევიდა ინიციატივით, რომ ბათუმის მერიის ბიუჯეტში ქვიშის რაგბის ფესტივალისთვის გათვალისწინებული 40 000 ლარი „ლეიდის ოუფენის“ საპრიზო ფონდსა და ხელბურთის ნაკრები გუნდის საერთაშორისო ტურნირში მონაწილეობაზე გადანაწილდეს.

 

 საერთაშორისო ტურნირი „ქვიშის რაგბის ფესტივალი“ ბათუმში 25-26 ივლის ბათუმის მერიის დაფინანსებით უნდა ჩატარებულიყო, თუმცა ფესტივალი, რომელშიც საქართველოს კლუბებთან ერთად ინგლისის გუნდებიც მონაწილეობდნენ, საბოლოოდ საქართველოს ქვიშის რაგბისა და რაგბის კავშირის ხარჯებით გაიმართა. ბათუმის მერის მოადგილის, ალექსანდრე მითაიშვილის განმარტებით, ასე იმიტომ მოხდა, რომ ქვიშის რაგბის კავშირმა შეცვალა თარიღი და აგვისტოს ნაცვლად ივლისში მოითხოვა ფესტივალის გამართვა, რის გამოც მერიამ ვეღარ მოასწრო ტენდერის ჩატარება. თუმცა,ალექსანდრე მითაიშვილის განმარტებით, მერიას რაგბის კავშირისთვის თარიღის შეცვლის მოთხოვნაზე უარი არ უთქვამს.

 

 

ქვიშის რაგბის ფესტივალი 2015

 

 

ნეტგაზეთის მასალების სხვა გამოცემებში გადაბეჭდვის წესი
ნინო ხიმშიაშვილი