აჭარის ფინანსთა და ეკონომიკის სამინისტროს კიდევ ერთი თანამშრომელი აცხადებს, რომ ის პროტესტის ნიშნად გაიფიცა და არ მუშაობს. სალომე აბაშიძე სამინისტროს ეკონომიკური ანალიზის განყოფილების უფროსი სპეციალისტია.
„საქართველო რუსეთის გუბერნია არ გახდება“, – აცხადებს სალომე აბაშიძე და თავის პროტესტს ასე ასაბუთებს:
„შეგნებული მაქვს საჯარო სამსახურში ჩემთვის დაკისრებული უდიდესი პასუხისმგებლობა და ვაცხადებ, რომ ერთგულად ვემსახურები ხალხსა და სახელმწიფოს, დავიცავ საქართველოს კონსტიტუციას, კანონებსა და სხვა სამართლებრივ აქტებს, პატივს ვცემ საჯარო ინტერესებს, ადამიანის უფლებებსა და თავისუფლებებს, კეთილსინდისიერად აღვასრულებ ჩემს მოვალეობებს.
10 წლის წინ დადებული საჯარო მოხელის ეს ფიცი იყო ჩემი ყოველდღიური საქმიანობის საფუძველი. დღეს სწორედ ეს ფიცი მავალდებულებს გავემიჯნო კონსტიტუციის უხეშ დარღვევას, იმ ძალადობასა და უსამართლობას, რასაც ყოველდღიურად ვხედავთ და გავიფიცო. ევროპა ქართველი ხალხის ისტორიული არჩევანია და ამ გზიდან გადახვევა არ გამოვა! საქართველო რუსეთის გუბერნია არ გახდება!“ – წერს სალომე.
___
დღეს, 2 დეკემბერს, გაფიცვის შესახებ სამინისტროს კიდევ ერთმა თანამშრომელმა, ნაერთი ბიუჯეტის განყოფილების უფროსმა, ლელა მიქელაძემაც დაწერა.
ბათუმში გაიფიცა აჭარის ფინანსთა სამინისტროს საბიუჯეტო განყოფილების უფროსი
