ხვალ, 14 ოქტომბერს, 12:00 საათზე ბათუმის „თავისუფალ სივრცეში“ [გამსახურდიას #6] ბათუმის მერობის კანდიდატები ეროვნული უმცირესობის წარმომადგენლებს შეხვდებიან. შეხვედრის ორგანიზატორია „თავისუფალ ჟურნალისტთა სახლი“.
კანდიდატებს ექნებათ შესაძლებლობა 5-7 წუთის განმავლობაში წარადგინონ თავიანთი პროგრამები და უპასუხონ აუდიტორიის შეკითხვებს.
თავისუფალ ჟურნალისტთა სახლის ინფორმაციით დისკუსიაში მიწვეულები არიან მერობის კანდიდატები:
ჯელალ ქიქავა – „შალვა ნათელაშვილი – საქართველოს ლეიბორისტული პარტია“
ლაშა კომახიძე – „ქართული ოცნება“: ლევან ანთაძე – ერთიანი ნაციონალური მოძრაობა“
ომარ ფარტენაძე – „კუკავა – ლორთქიფანიძე – დემოკრატიული მოძრაობა თავისუფალი საქართველო“
თენგიზ თავდგირიძე – „პატრიოტთა ალიანსი“
დისკუსიას „თავისუფალ ჟურნალისტთა სახლის“ თავმჯდომარე ასლან ჭანიძე გაუძღვება.
შეხვედრა დაგეგმილია ფონდი „ღია საზოგადოება საქართველოს“ მიერ დაფინანსებული პროექტის ფარგლებში: „საქართველო ჩემი სამშობლოა, ეროვნული ინტეგრაციის გაძლიერება აჭარაში“. პროექტი მიზნად ისახავს ეროვნულ უმცირესობათა ინტეგრაციის ხელშეწყობას.
