Batumelebi | ავტობანი – როდის დაიწყება ბათუმის შემოვლითი გზის მშენებლობა ავტობანი – როდის დაიწყება ბათუმის შემოვლითი გზის მშენებლობა – Batumelebi
ნეტგაზეთი • RU

ავტობანი – როდის დაიწყება ბათუმის შემოვლითი გზის მშენებლობა

ბათუმის შემოვლითი გზის მშენებლობას ზედამხედველობას ავსტრალიური კომპანია გაუწევს. საქართველოს საავტომობილო გზების დეპარტამენტსა და SMEC lnternational Pty. Ltd of Australia-ს შორის საკონსულტაციო მომსახურების ხელშეკრულება [ბათუმის შემოვლითი გზის მშენებლობის ზედამხედველობა], რომლის პროექტიც თავის დროზე საქართველოს მთავრობამაც მოიწონა, უკვე გაფორმებულია.

ბათუმის შემოვლით გზას თურქული კომპანია „POLAT YOL & MAPA“ ააშენებს. რაც შეეხება უშუალოდ გზის მშენებლობას, შესაძლოა ორი თვის შემდეგ დაიწყოს, მანამდე მშენებელ კომპანიას მოსამზადებელი პერიოდი აქვს. „ბათუმელების“ ინფორმაციით, კომპანიამ უკვე შეარჩია ტერიტორია, სადაც სამშენებლო მოედანს მოაწყობს [განათავსებს ოფისს, ტექნიკას…]. ჩვენი იფორმაციით გზის მშენებლობისთვის საჭირო ტექნიკა კომპანიას აზერბაიჯანის ტერიტორიაზე აქვს.

სამშენებლო სამუშაოების ვადა 2017-2020 წლებია. მახინჯაურის გვირაბიდან ფრიდონ ხალვაშის გამზირამდე, ახალი გზა გაივლის: მახინჯაურს, განთიადს, კაპრეშუმს, სალიბაურს, ფერიას, მახვილაურსა და ხელვაჩაურს.  ბათუმის შემოვლითი გზის აშენებისთვის 329 მილიონი ლარი დაიხარჯება.

რაც შეეხება ხელვაჩაურიდან სარფამდე [ბათუმი(ჭოროხი)-სარფის] მონაკვეთს, ის გზების ქსელის განვითარების გეგმაშია, თუმცა სად გაივლის კონკრეტულად ახალი გზა, გადაწყვეტილი ამ დრომდე არ არის.

gzebis qselis ganviTarebis gegma

საქართველოს საავტომობილო გზების ქსელის განვითარების გეგმა

ამავე თემაზე:

ავტობანი – მესაკუთრისა და სახელმწიფოს შეთანხმებით დაზარალებული მოიჯარეები

გოდერძის უღელტეხილი-ბეშუმის გზის რეაბილიტაციისთვის 5 მილიონამდე ლარი დაიხარჯება

ქობულეთში ავტობანის მშენებელი კომპანიისგან დაბრუნებულ ქონებას სამინისტრო ასხვისებს

8,2 მილიონი ლარი „ჭოროხის გზისთვის“ და დასაგეგმი ავტობანი

 

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com