მთავარი,სიახლეები

რუსეთში ხანძარია უკრაინის საზღვართან მდებარე ნავთობსაცავში

19.01.2024 • 3064
რუსეთში ხანძარია უკრაინის საზღვართან მდებარე ნავთობსაცავში

რუსეთში, ბრიანსკის ოლქში, ქალაქ კლინცში, ნავთობსაცავში მასშტაბური ხანძარია.

რუსული მედიის ცნობით, ბრიანსკის ოლქის გუბერნატორმა განაცხადა, რომ ცეცხლი სავარაუდოდ უკრაინული დრონის ჩამოგდების შემდეგ გაჩნდა. მისი თქმით, უკრაინელები სავარაუდოდ ცდილობდნენ თავდასხმას დრონებით ქალაქ კლინცის ობიექტებზე.

ხანძრის ჩასაქრობად კლინცში სახანძრო მატარებელი გაგზავნეს 120 ტონა წყლითა და ქაფით.

წინასწარი ინფორმაციით, ხანძარს მსხვერპლი არ მოჰყოლია.

ნავთობის საცავი „როსნეფტს“ ეკუთვნის. ქალაქ კლინცი უკრაინის საზღვრიდან 50 კილომეტრში მდებარეობს.

უკრაინულ მხარეს აღნიშნულზე განცხადება ჯერ არ გაუკეთებია.

გადაბეჭდვის წესი


ასევე: